Աշխատակազմ

«ԱՐԳՈ Ռիելթի» ընկերության հիմնադիր

Արայիկ Գոջաբաշյանն անշարժ գույքի ոլորտում է 2004 թվականից։ Մասնագիտությամբ ֆուտբոլիստ է։ 1988-1992 թթ․-ին սովորել և ավարտել է Հայաստանի Ֆիզիկական կուլտուրայի և սպորտի պետական ինստիտուտի ֆուտբոլի բաժինը։ Երկար տարիներ ապրել և աշխատել է Ռուսաստանում, Բուլղարիայում։ «ԱՐԳՈ Ռիելթի» ընկերությունը հիմնել է 2009 թվականին, ճիշտ այն ժամանակ, երբ անշարժ գույքի ոլորտը Հայաստանում մեծ անկում էր ապրում։ Արայիկ Գոջաբաշյանը մեծ ներդրում ունի հայրենական անշարժ գույքի ոլորտի զարգացման գործում։ Իր ներդրած մասնագիտական ջանքերի շնորհիվ վերջին տարիներին ոլորտում իրականացվել են մշակութային և օրենսդրական լուրջ փոփոխություններ, ինչը զգալիորեն նպաստել է ոլորտի կայունացմանը։ Բացի գործընկեր կառուցապատողների նախագծերը վաճառելուց, վերջին տարիներին Արայիկ Գոջաբաշյանի հիմնած ընկերությունը զբաղվում է նաև կառուցապատմամբ՝ ընդ որում ոչ միայն Երևանում, այլև Հայաստանի տարբեր մարզերում։ Արայիկ Գոջաբաշյանը «Ռիելթորների գործատուների միության» նախագահն է, անդամակցում է նաև «Հայաստանի Ռիելթորների ասոցիացիա» ՀԿ-ին։ «ԱՐԳՈ Ռիելթի»-ն նաև Կառուցապատողների հայկական ասոցիացիայի անդամ է։ Արայիկ Գոջաբաշյանն ամուսնացած է, ունի երկու որդի։

«ԱՐԳՈ Ռիելթի» ընկերության փոխտնoրեն

Արմեն Չիբուխչյանը կիբերնետիկ է: Իր մասնագիտությամբ աշխատել է ընդամենը երկու տարի։ «ԱՐԳՈ Ռիելթի»-ում է հիմնադրման օրվանից։ Անշարժ գույքի ոլորտում՝ 2004 թվականից: Ամեն տարի՝ հատկապես Նոր տարվա շեմին մտածում է, թե քանի ընտանիք իր, «ԱՐԳՈ»-ի միջոցով Ամանորը դիմավորեց նոր տանը։ Ասում է՝ պատասխանատվություն է, երբ մարդիկ՝ տուն ունենալու կարևոր գործը վստահում են իրենց։ Ընկերության նկատմամբ վստահությունն ամեն օր է զգում․ «Մեզ մոտ եկան զինվորական ամուսիններ։ Տարբեր գրասենյակներ էին այցելել։ Մենք մի քանի տարբերակ առաջարկեցինք և ուղղորդեցինք բանկ՝ ստուգելու իրենց վարկունակությունը։ Մի քանի օրում իրենց վարկը հաստատվեց։ Հետո մեզ այցելեցին նրանց ընկերները, ասացին, որ ընկերների խորհրդով են եկել։ Սա ամենամեծ գնահատականն է»։

«ԱՐԳՈ Ռիելթին» միայն վաճառք չի իրականացնում։ Ընկերությունը կառուցապատողներին տրամադրում է ճարտարապետի աշխատանք, հողի տեղադիրքի գնահատում, նոտարական և իրավաբանական խորհրդատվություն։ Ընկերության փոխտնօրենն «ԱՐԳՈ»-ի հաճախորդների աչքերում տեսնում է սպասում․ «Մենք երիտասարդ զույգեր ենք ունեցել, որ գործարքից հետո գրասենյակից դուրս են եկել ու համբուրվել։ Գիտեք, սա ոչ թե կինո է, այլ իրականություն։ Մարդիկ իրենց էմոցիաներն են ցույց տալիս։ «ԱՐԳՈ»-ն այս տարիների ընթացքում ինձ տվել է գնահատված ու պահանջված լինելու զգացում»։  

Արմեն Չիբուխչյանն ըստ գործընկերների՝ գործին նվիրված, պատասխանատու։ Թիմի հոգին է։